राष्ट्रभक्ति,अनुशासन तथा नेतृत्वको भावना जागृत गर्ने उदेश्यले पाँचथर सदरमुकाम फिदिममा फिदिम उच्च माविका विद्यार्थीहरुलाई छनौट गरी राष्ट्रिय सेवा दलको तालिम प्रदान गर्न थालिएको छ ।

भैरवी दल गणको सहयोगमा फिदिम उच्च माविका छात्रछात्रा गरेर ३६ जना विद्यार्थीलाई उक्त तालिम प्रदान गर्न थालिएको गणका गणपति शिवराज पन्तले जानकारी दिनुभयो । उक्त तालिमको सोमबार फिदिम उच्च माविमा आयोजित एक कार्यक्रमका वीच प्रथम प्रवचन एवम तालिमको शुभारम्भ गरिएको हो ।

कार्यक्रममा वोल्दै प्रमुख जिल्ला अधिकारी किरण थापाले शुभकामना ब्यक्त गर्दे राम्रो मान्छे होइन असल मान्छे बन्न तालिममा छनौट भएका विद्यार्थीलाई सुझाव दिनुभयो ।

यस्तै भैरवी दलका गणपति पन्तले विपत्तमा परेको वेला,सहयोग गर्नेदेखि लिएर राष्ट्रभक्ति,अनुशासन तथा नेतृत्वको भावना जागृत गर्ने उदेश्यले तालिम संचालन गर्न लागिएको वताउनुभयो ।

यो मुलकको ८९ वटा विद्यालयमा यस्तो तालिम संचालन भएको र यो तालिम बाट पछि क्रमश छनौट हुँदै गए वाहिरी देश भारत,श्रीलंका,बंगालेदश सम्मको तालिममा ती विद्यार्थीलाई सहभागि गराईने कार्यक्रममा जानकारी गराइयो ।

अहिले ती विद्यार्थीलाई विहान ६.३० देखि ८.३० वजेसम्म तालिम दिइने वताइएको छ । जिल्लामा उक्त तालिम ७९ दिन र मोरङको याङशिलामा २१ दिन सम्म चल्ने छ । तालिममा अनुशाशित,बफादारिता,नेतृत्व र राष्ट्रभक्त,देशभक्ती सम्वन्धी विषयमा प्रशिक्षण दिइने तालिम अधिकृत सेनानी गणेश बहादुर थापाले वताउनुभयो ।