भूत माछा’ अर्थात ‘गोष्ट फिस’को नाम सायद हामीमध्ये धेरैले सुनेका छैनौं होला । धेरैले नाम नै नसुनेको यो माछा क्यामरामा कैद भएको छ । कहिलेकाँही हलिउड फिल्ममा मात्र देखिएको अथवा सुनिएको गोष्ट फिस अर्थात भूत माछा पहिलो पटक समुन्द्रमा जीवित देखिएको छ ।

१० सेन्टिमिटर लामो यो माछालाई अनुसन्धानकर्ताहरुले पहिलो पटक देखेका छन् र आफ्नो क्यामरामा समेत कैद गर्न भ्याएका छन् ।

यो प्रशान्त महासागरको २ मिटर गहिराइमा भेटिएको हो ।

निकै भिन्न प्रकारको देखिने यो माछा हेर्दा पहेंलो र पारदर्शी देखिएको छ भने आँखा बाहिर भुक्क निस्किएको देखिन्छ ।

यो एफियोनिडाइ फेमिलीभित्र पर्छ ।

अचम्मको यो माछाको दृश्य ओकिएनस एक्सप्लोररले प्रशान्त महासागरको उत्तरी मारियाना द्वीपको यात्राको क्रममा आफ्नो क्यामरामा कैद गरेका थिए ।

राष्ट्रिय समुन्द्री मत्स्य सेवाका डा. ब्रुस मन्डीले भने, ‘यो निकै अचम्मको घटना हो । ’

‘मलाई विश्वास छ यो एफिओनिड हो र यो प्रजातीको माछा पहिलो पटक जिउँदै दिखिएको यो पहिलो घटना हो भनी विश्वास गर्छु ।’

‘हामीले जे देख्यौं, यो निकै सधैंभरी देख्न पाइने कुरा होइन ।’ उनले थपे, ‘यो माछा देख्नु धेरै विज्ञहरुको इच्छासमेत हो ।’

यो माछा जीवित रुपमा पानीमा तैरिरहेको देख्दा वैज्ञानिकलगायत सबैजना अचम्मित छन् ।