महामन्त्री शशांक कोइराला १५ दिनपछि ओम अस्पतालबाट डिस्चार्ज भएका छन् । उनलाई थप उपचारका लागि विदेश लगिने भएको छ । कुन देशमा लग्ने भन्ने निर्णय भने भइसकेको छैन । कुन देशमा लागे भन्ने निर्णय उनकी पत्नी डा. सुपात्राले लिने भएकी छिन् ।
उनलाई निवासमा लानका लागी सपरिवार उपस्थित थिए । त्यस्तै कांग्रेसका केन्द्रीय नेताहरु र नेविसंघका विद्यार्थीहरुको पनि अस्पताल परिसरमा उपस्थित थिए । अस्पताल परिसरमा शशांकका समर्थकहरुको भिडले एकछिन अस्पताल अस्तव्यस्त झैँ बन्न पुगेको थियो ।
भेन्टिलेटरमा कृत्रिम श्वास प्रणालीमा राखिए पनि चमत्कारपूर्ण रुपले स्वास्थ्यमा सुधार हुँदै आइसियु र जनरल वार्डमा राखी आज उनलाई डिस्चार्ज गरिए पनि चिकित्सकहरुले उनको अवस्था अझै चिन्तामुक्त नभइसकेको बताएका छन् ।